വൃത്തം
| ഊനതരംഗിണി | ‘രണ്ടാം പാദേ ഗണം രണ്ടു കുറഞ്ഞൂനതരംഗിണി’. രണ്ടാംപാദത്തില്‍ രണ്ടുഗണം കുറഞ്ഞ തരംഗിണിക്ക് ‘ഊനതരംഗിണി’ എന്നുപേര്‍. ഉദാ: സുരവധുമാരുടെ നടുവിലിദാനീം നരവധു ചേരുകയില്ലേ! ഉച്ശ്രയ കാഞ്ചനവളകടെ നടുവില്‍ പിച്ചള വളയതുപോലെ (നള.ചരി.) |
| അര്‍ദ്ധകേക | ‘കേകാപാദത്തെയര്‍ദ്ധിച്ചാലര്‍ദ്ധകേകയതായിടും.’ കേകയ്ക്ക് രണ്ടു യതിയുള്ളതില്‍ ആദ്യത്തെ ‘കേകാപാദത്തെയര്‍ദ്ധിച്ചാലര്‍ദ്ധകേകയതായിടും.’ കേകയ്ക്ക് രണ്ടു യതിയുള്ളതില്‍ ആദ്യത്തെ യതിയില്‍ തന്നെ പദം നിറുത്തിയാല്‍ ‘അര്‍ദ്ധകേക’.അപ്പോള്‍ ഒരു ത്ര്യക്ഷര ഗണത്തിനു പിന്നാലെ രണ്ടു ദ്വ്യക്ഷരഗണം അര്‍ദ്ധകേക എന്ന് അര്‍ത്ഥമായി . ഓരോ ഗണത്തിലും കുറഞ്ഞപക്ഷം ഓരോ ഗുരുവും വേണം. ഉദാ: 1. ഏണനയനേ ദേവീ വാണീടു ഗുണാലയേ (കൃ. അ. വി) 2. കളിച്ചൂ പടജ്ജനം വിളിച്ചൂ പുറപ്പെട്ടു (നള.ച) സ്വാഗത, സുമംഗല, വക്ത്ര, ഹംസപ്‌ളുതം, അജഗരഗമനം, മദമന്ഥര, കൃശമദ്ധ്യം, മല്ലിക, കിളിപ്പാട്ടിലെ കാകളി, കളകാഞ്ചി എന്നിവയും തുള്ളലില്‍ ഉപയോഗിച്ചിട്ടുള്ള വൃത്തങ്ങളാണ്. |
| മഞ്ജരി | ഗാഥാവൃത്തം. ശ്‌ളഥകാകളീ വൃത്തത്തില്‍ രണ്ടാം പാദത്തിലന്ത്യമാം രണ്ടക്ഷരം കുറച്ചീടിലതു ഗാഥാവൃത്തം. ശ്‌ളഥകാകളീ വൃത്തത്തില്‍ രണ്ടാം പാദത്തിലന്ത്യമാം രണ്ടക്ഷരം കുറച്ചീടിലതു മഞ്ജരിയായിടും. ഉദാ: ‘മേനക മുന്‍പായ മാനിനിമാരുടെ മേനിയെ നിര്‍മ്മിപ്പാന്‍ മാത്യകയായ്’. കാകളിയുടെ ഗണമൊന്നും മഗണമാകരുത്. മഞ്ജരിയില്‍ ആ നിയമം വേണ്ട. അതാണ് ശ്‌ളഥകാകളി എന്നു പറഞ്ഞത്. ഉദാഹരണത്തില്‍ രണ്ടാം പാദത്തില്‍ രണ്ടാംഗണം മഗണമായിരിക്കും. ശീലാവതിപ്പാട്ടിനും ഇതുതന്നെയാണ് വൃത്തം. ഉദാ: ലന്തക്കുരുകൊണ്ടു കൂട്ടാനുമുണ്ടാക്കി ചന്തത്തില്‍ വേണ്ടുന്ന കോപ്പുകൂട്ടി. |
| കല്യാണി | ഇരുപത്തിനാലു വൃത്തത്തിലെ ഒരു വൃത്തം. ‘കല്യാണി തഗണം മൂന്നുഗുരു രണ്ടോടു ചേരുകിന്‍ തതതഗഗ എന്നു പതിനൊന്നക്ഷരം കല്യാണീവൃത്തം’. ഉദാ: കല്യാണരൂപി വനത്തിനുപോവാന്‍ വില്ലും ശരം കൈപ്പിടിച്ചോരു നേരം മെല്ലെപ്പുറപ്പെട്ടു പിന്നാലേ സീതാ കല്യാണി നീ ദേവി ശ്രീരാമ! രാമ! |
| സ്തിമിത | എഴുത്തച്ഛന്റെ ഹരിനാമകീര്‍ത്തനത്തിലെ പ്രധാനവൃത്തം. ‘തഭയം ജലലം മദ്ധ്യേ മുറിഞ്ഞാല്‍ സ്തിമിതാഭിധം’. ഉദാ: ഒന്നായ നിന്നെയിഹ രണ്ടെന്നു കണ്ടളവി- ലുണ്ടായൊരിണ്ടല്‍ ബത മിണ്ടാവതല്ല മമ. |
| നതോന്നത | വഞ്ചിപ്പാട്ട് വൃത്തം. ഗണം ദ്വ്യക്ഷരമെട്ടെണ്ണമൊന്നാം പാദത്തില്‍,മറ്റതില്‍ ഗണമാറര; നില്‌ക്കേണം രണ്ടുമെട്ടാവതക്ഷരേ, ഗുരു തന്നെയെഴുത്തെല്ലാമിശ്ശീലിന്‍പേര്‍ നതോന്നതാ. ഉദാ: ‘കെലേ്പാടെല്ലാ ജനങ്ങള്‍ക്കും കേടുതീരത്തക്കവണ്ണം എപ്പോഴുമന്നദാനവും ചെയ്ത് ചെഞ്ചെമ്മേ’ മഞ്ജരിയും വഞ്ചിപ്പാട്ടില്‍ ഉപയോഗിക്കാറുണ്ട്. ‘ആലുണ്ടിലയുണ്ടിലഞ്ഞിയുണ്ടേ നല്ലൊ രാലുവാത്തേവരേ തമ്പുരാനേ..’ |
മലയാളഭാഷയ്ക്കു വേണ്ടിയുള്ള ഏതു പരിശ്രമവും നല്ലതാണ്. ഈ വെബ്സൈറ്റ് വിദ്യാർത്ഥികള്‍ക്ക് പ്രയോജനപ്രദമാണ്.
വൃത്തനാമത്തില്‍ കണ്ട ഒരു കാര്യം ചൂണ്ടിക്കാണിക്കട്ടെ. വൃത്തത്തിന്റെ പേരായി സ്തിമിതാഭിധം എന്നു കൊടുത്തിട്ടുണ്ട്.
ആ ഭാഷാവൃത്തത്തിന്റെ പേര് സ്തിമിത എന്നാണ്. സ്തിമിതാഭിധം വൃത്തം എന്നു പറഞ്ഞാൽ സ്തിമിത എന്നു പേരായ വൃത്തം എന്നാണ് അർത്ഥം.
അഭിധ എന്നത് നാമത്തെ കുറിക്കുന്ന വാക്കാണ്.
രാവണാഭിധഃ രാക്ഷസഃ = രാവണൻ എന്നു പേരായ രാക്ഷസൻ -എന്നത് ഉദാഹരണം.