Keralaliterature.com

കുട്ടികോം

സ്വപ്നങ്ങള്‍

വിരാക സ്മരണയില്‍ സ്വപ്നം
കൊതിക്കുകയാണീ ഹൃദയം
എന്‍ ഹൃദയത്തിലൂറുന്ന സ്വപ്നത്തില്‍
ചെപ്പക താഴിലൊളിക്കുന്ന ജീവപര്‍ശം
    ഉച്ച മയക്കത്തില്‍ ഉച്ചാരണമില്ല
    ഇച്ഛാശക്തികള്‍ ഒന്നുമില്ല എന്‍
    മനസ്‌സിലൊളിക്കും സ്വപ്നത്തിന്‍ താഴില്‍
    ഓര്‍മ്മകള്‍ മാത്രം മിന്നിമറയുന്ന
    ജീവിതമല്ലെന്‍ സ്വപ്നം
വരാനിരിക്കുന്ന ജീവിതത്തിന്‍ മുഖത്തെ
ഏകോപിപ്പിക്കുന്ന സ്വപ്നമിത
ഏകാങ്കമാം ജീവിതത്തിന്‍ പുസ്തക
താഴിനുള്ളില്‍ ഒരൊറ്റ മുഖം നിനക്കായി
ഞാന്‍ മാറ്റി വയ്ക്കും സ്വപ്നമേ നിനക്കായി
ഞാന്‍ മാറ്റി വയ്ക്കും
    എന്തിനോ വേണ്ടി പൊട്ടിക്കരയുന്ന
    മനുഷ്യന്‍ ഒന്നോര്‍ക്കണം, ജീവിതംകളില്ല.
    തമാശയല്ല, നൊമ്പരത്തിന്‍ കൂടാരമല്ല.
    പക്ഷെ ജീവിതം സ്വപ്നമോ യാഥാര്‍ത്ഥ്യമോ?
ഈ ചോദ്യത്തിനുത്തരം ഇനി ആരു നല്‍കും?
ഇനി ആരോടു ഞാന്‍ ചോദിക്കും? ആരെന്തു പറയും?
ഇനി ആരാരു കണ്ടിതിനുത്തരം ഇനിയും
തേടുന്നു ഞാന്‍ ഈ ചോദ്യത്തിനുത്തരം?

രതീഷ്‌കുമാര്‍. ആര്‍
ആര്‍.കെ.ഡി.എന്‍.എസ്.എസ്.എച്ച്.എസ്.എസ്
ശാസ്തമംഗലം, തിരുവനന്തപുരം
മൊബൈല്‍: 9645537760

sidead