Keralaliterature.com

കൃഷ്ണഭരദ്വാജ് എം.എസ്‌

കന്നി കവിത ഇതെൻ, നിന്നെ തേടിയ കവിത
നിന്നെ തേടി അലഞ്ഞതും കണ്ടതും
നിൻ ചിന്തയിൽ എന്നെ നിദ്ര വെടിഞ്ഞതും
നിൻ സ്വപ്നം കൊതിച്ചു ഞാൻ ഉറങ്ങാൻ ശ്രമിച്ചതും
വ്യർത്ഥമായ്‌ ഇങ്ങനെ പലനാൾ കഴിഞ്ഞതും
വ്യക്തമായ് എൻ മുന്നിൽ പെട്ടെന്ന് വന്നു നീ.

കണ്ടില്ല നിന്നെ ഞാൻ മന്താര പ്പൂവിന്റെ മന്ദഹാസത്തിൽ
കാറ്റിൽ ഉലയുന്ന താമര പ്പൂവിലും, കുയിലിന്റെ പാട്ടിലും
തേനിലും, വണ്ടിലും, ചന്ദ്രിക രാവിലും
കവികൾ വാഴ്ത്തുന്ന സത്വത്തിൽ ഒന്നിലും .

ജീവശാസ്ത്ര പരീക്ഷണ ശാലയിൽ പെട്ടെന്ന്
ജീവ സത്യമായി എന്മുന്നിൽ വന്നു നീ
ജീനിൻ സത്യമായ്‌ പരിണാമ തത്വമായ്,
പരമാണു ഊർജമായി, പരിമാണ ക്ലിപ്തമായ്
പിരിയാ കണികയിൻ ഗാഢ ബന്ധമായ്
പിണ്ഡം നശിച്ചുർജമായ് മാറുന്ന തത്വമായ്
ശാസ്ത്ര സൗന്ദര്യമായ് കണ്ട നിൻ ആത്മാവിൽ
ഒറ്റ മാത്രയിൽ എൻ ആത്മാവലിഞ്ഞു പോയ്
ആനന്ദ ലബ്ദിയിൽ ആലിംഗനം ചെയ്തേന്
ആത്മ സത്തയെ ആദ്യമായ് അറിഞ്ഞു ഞാൻ
പിരിയാതെ താണ്ടുവാൻ അറിവിന്റെ താരകൾ
ലോകം സമസ്തവും സുഖമായി ഭവിക്കുവാൻ