എന്തായാലൂം ഒരു കപ്പലിന്റെ ആവശ്യം പോലും വന്നില്‌ള. നിര്‍മ്മിച്ചതെല്‌ളാം മണ്ണിനോട് ചേര്‍ന്ന് പുറ്റ് പിടിച്ച് കിടന്നു.

മഴ തോര്‍ന്നതോടെ റിയാലിറ്റി ഷോയുടെ പ്രവര്‍ത്തനങ്ങള്‍ സജീവമായി. ഇവിടെയൊരു പ്രളയമുണ്ടായ കാര്യം പോലും ജനം മറന്നേപോയി. ഇനി ഫൈനലിനു നടക്കേണ്ട ഗുസ്തിമല്‍സരത്തിന്റെ ആദ്യപാദമാണ്. ദൈവവും ചെകുത്താനും തമ്മില്‍ നേരിട്ടുള്ള ഗുസ്തിയായതിനാല്‍ വന്‍പ്രചാരണം നടത്തേണ്ടിവന്നു.

പ്രാരംഭമായി കാണികളില്‍നിന്നും കായികസംബന്ധമായി മനുഷ്യന്‍ പാലിക്കേണ്ട നിയമങ്ങളെക്കുറിച്ചുള്ള ചോദ്യങ്ങള്‍ക്ക് ദൈവം മറുപടി പറഞ്ഞത് നിശ്ശബ്ദജീവികളില്‍ ഒരു വിഭാഗം കേട്ടു. പക്‌ഷേ ചെകുത്താന്റെ മറുപടിക്ക് അകമ്പടിയായി കോടിക്കണക്കിന് എസ്.എം.എസായിരുന്നു വന്നുമറിഞ്ഞത്.

അടുത്ത ദിവസം വീശിയടിച്ച ചുഴലിക്കൊടുങ്കാറ്റ് ചെകുത്താന്റെ വിജയാഘോഷമായിരുന്നെന്ന് എനിക്ക് ബോധ്യപെ്പട്ടു. മാത്രമല്‌ള ഗുസ്തിവിജയത്തിന്റെ മുന്നോടിയായി കാണികളില്‍ നിന്ന് ആവാഹിച്ചെടുക്കാനുള്ള ശക്തി സ്വന്തമാക്കാനുള്ള വിദ്യയും ഇതിലൂടെ ചെകുത്താനു കിട്ടി..
ഒടുവില്‍ വിജയിപ്പിക്കേണ്ടതാരെയെന്ന രഹസ്യനിര്‍ദ്ദേശം ചെവിയില്‍ മന്ത്രിച്ചുകൊണ്ട് കോമളന്‍ എന്നെ ചുറ്റിപ്പറ്റി നടക്കുകയാണ്. എനിക്കത് കേട്ടിട്ട് തലചുറ്റലുണ്ടായിക്കൊണ്ടിരുന്നു.

എന്റെ രക്ഷകനും ആത്മമിത്രവുമായ ദൈവത്തെ പരാജയപെ്പടുത്താനുള്ള ഒരു പ്രവൃത്തിക്കും ഞാന്‍ കൂട്ട് നില്‍ക്കില്‌ള. അന്നത്തെ പ്രാര്‍ത്ഥനയില്‍ ഞാനതു സുചിപ്പിക്കുകയും ചെയ്തുവെങ്കിലും നന്മയുള്ള ദൈവം പറഞ്ഞത് ഇപ്രകാരമായിരുന്നു.