പെസഹാ രഹസ്യത്താല്‍ കൈവന്ന പ്രപഞ്ച പുനരുദ്ധാരണം
പെസഹാക്കാലത്തിലെ പൂജകളില്‍ ഉപയോഗിക്കുന്നത്.
ഞങ്ങള്‍ തന്‍ പെസഹാ കുഞ്ഞാടാമേശുവേ
യാഗമര്‍പ്പിക്കുമീ കാലം തന്നില്‍
അങ്ങേ മഹത്വം പ്രകീര്‍ത്തിപ്പതേറ്റവും
ന്യായവും യുക്തവുമാകുന്നല്ലോ.
ക്രിസ്തുവിലൂടെ നവീനയുഗമൊന്നു
പ്രത്യക്ഷമായി പുലരിപോലെ
അത്യന്ത ദീര്‍ഘമാം പാപയുഗവും പോ-
യസ്തമിച്ചു കൂരിരുട്ടിനൊപ്പം
കേടുറ്റതൊക്കെ പുതുക്കിയെടുക്കാനും
ഏതിനും സംശുദ്ധി നല്‍കുവാനും
ക്രിസ്തുമഹേശ്വരന്‍ സംപൂര്‍ണ്ണി ജീവനെ
മര്‍ത്യര്‍ക്കു നല്‍കിയനുഗ്രഹിച്ചു.
ആകയാല്‍ ദൂതന്‍മാര്‍ ഭദ്രാസനര്‍ ആദി
നാകീയ വൃന്ദങ്ങളൊത്തു ചേര്‍ന്ന്
അങ്ങേ മഹത്വം പ്രകീര്‍ത്തിച്ചു ഞങ്ങളും
ആലപിച്ചീടട്ടെ കീര്‍ത്തനങ്ങള്‍ (2)