ലാസര്‍
ലാസറിനെപ്പറ്റിയുള്ള സുവിശേഷഭാഗമാണ് വായിക്കുന്നതെങ്കില്‍
സര്‍വ്വേശ്വരാ നിത്യനായുള്ള ദൈവമേ
സര്‍വ്വശക്താ പരിശുദ്ധ താതാ
ക്രിസ്തുനാഥന്‍വഴി എങ്ങുമെന്നേരവും
ഭക്തിയോടങ്ങേക്കു നന്ദിചൊല്ലാം
യുക്തവും ന്യായവുമാണതു ഞങ്ങള്‍ക്കു
രക്ഷാകരവും ജഗല്‍പിതാവേ
മര്‍ത്ത്യനോടുള്ള തന്‍ സ്‌നേഹാതിരേകത്താല്‍
മര്‍ത്ത്യനായ് ജീവിച്ച ക്രിസ്തുനാഥന്‍
സ്‌നേഹിതന്‍ ലാസര്‍ കിടക്കുന്ന കല്ലറ-
വാതിലില്‍ നിന്നു പൊഴിച്ചു കണ്ണീര്‍
നിത്യനാം ദൈവം മഹോന്നതനായവന്‍
മൃത്യുവില്‍ നിന്നുയര്‍പ്പിച്ചവനേ.
നിസ്തുല സ്‌നേഹത്താല്‍ തന്റെ സഭയിലീ
നിത്യ ജീവന്റെ കൂദാശ നല്‍കി
അങ്ങേയനന്തമാം കാരുണ്യ വായ്പിനാല്‍
ഞങ്ങള്‍ക്കുമുത്ഥാനം നല്‍കിടുന്നു.
ആകയാലാമോദവായ്‌പോടെ നിത്യവും
നാകദൂതന്‍മാരാം ഗായകന്‍മാര്‍
ദിവ്യപ്രതാപവാനങ്ങയെ വാ്‌ഴത്തുന്നു
മംഗളംപാടി വണങ്ങിടുന്നു
ആ ദിവ്യഗാനത്തൊടൊന്നിച്ചു ഞങ്ങളും
ആലപിച്ചീടുന്നു താഴ്മയോടെ (2)