ബാധോപദ്രവശാന്തി, ശത്രുസംഹാരം, ഗൃഹസൗഖ്യം എന്നിവയ്ക്കായി കഴിക്കുന്ന മന്തവാദപരമായ ഹോമകര്‍മം. ഗുല്‍ഗുലു, എള്ള് ചേര്‍ത്ത ഹവിസ്‌സ്, പശുവിന്‍ നെയ്യ് തുടങ്ങിയ വസ്തുക്കളാണ് ഹോമദ്രവ്യങ്ങള്‍. സുദര്‍ശനമന്ത്രം ചൊല്ലി ഹോമിക്കുന്നതുകൊണ്ടാണ് ആ പേര്‍ വന്നത്. ഈ വൈഷ്ണമന്ത്രം ചെറുതും വലുതുമുണ്ട്. ചെറിയ സുദര്‍ശനമന്ത്രം ഉപയോഗിച്ചുകൊണ്ടുള്ളത് ചെറിയ സുദര്‍ശനഹോമവും, വലിയ സുദര്‍ശനമന്ത്രം ഉപയോഗിച്ചുകൊണ്ടുള്ളത് മഹാസുദര്‍ശനഹോമവുമാണ്.