നാഗപ്രതീക്കുവേണ്ടി ചെയ്യുന്ന ഒരു കര്‍മ്മമാണ് ‘നൂറും പാലും കൊടുക്കല്‍’. സര്‍പ്പബലി, സര്‍പ്പപ്പാട്ട്, നാഗപ്പാട്ട്, കുറുന്തിനിപ്പാട്ട് തുടങ്ങിയ കര്‍മ്മങ്ങള്‍ക്കെല്ലാം നൂറും പാലും കൊടുക്കുന്ന ചടങ്ങുണ്ട്. പാല്, ഇളനീര്‍, കദളിപ്പഴം, അരിപ്പൊടി, മഞ്ഞള്‍പ്പൊടി എന്നിവ ചേര്‍ത്ത മിശ്രിതമാണ് ‘നൂറും പാലും’. ചിലര്‍ അരിപ്പൊടിക്കു പകരം കൂവനീരാണ് ചേര്‍ക്കുക. നാഗപൂജയ്ക്ക് ‘നൂറും പാലും’ ഒഴിച്ചുകൂടാത്തതാണ്. ഇലകള്‍ കൊണ്ട് തുന്നിയുണ്ടാക്കുന്ന പാത്രങ്ങളിലോ ഉരുളികളിലോ വട്ടളങ്ങളില്‍ത്തന്നെയോ യുക്താനുസരണം നൂറും പാലും കൂട്ടാവുന്നതാണ്.