കര്‍ത്താവിന്റെ സമര്‍പ്പണം
ഫെബ്രുവരി 2: കര്‍ത്താവിന്റെ സമര്‍പ്പണത്തിന്റെ രഹസ്യം
കര്‍ത്താവിന്റെ സമര്‍പ്പണത്തിരുനാള്‍ ദിവസം ഉപയോഗിക്കുന്നത്.
സര്‍വ്വേശ്വരാ നിത്യനായുള്ള ദൈവമേ
സര്‍വ്വശക്താ പരിശുദ്ധ താതാ
ക്രിസ്തുനാഥന്‍വഴി എങ്ങുമെന്നേരവും
ഭക്തിയോടങ്ങേക്കു നന്ദിചൊല്ലാം
യുക്തവും ന്യായവുമാണതു ഞങ്ങള്‍ക്കു
രക്ഷാകരവും ജഗല്‍പിതാവേ
നിന്നോടൊരുമിച്ചു നിത്യവും വാഴുന്ന
നിന്നേകസൂനുവാമേശുവിനെ
ഈ ദിനം നിസ്തുല സന്തോഷമോടിതാ
ദേവാലയത്തില്‍ സമര്‍പ്പിച്ചല്ലോ
ഇസ്രായേലിന്റെ മഹത്വമായേശുവേ
വിശ്വത്തിന്നേക പ്രകാശമായും
പാവനാത്മാവില്‍ പ്രഘോഷിച്ചു താവക
ദിവ്യ മഹത്വം പ്രകീര്‍ത്തിക്കുന്നു.
ആകയാലാമോദവായ്‌പോടെ നിത്യവും
നാകദൂതന്‍മാരാം ഗായകന്‍മാര്‍
ദിവ്യപ്രതാപവാനങ്ങയെ വാഴ്ത്തുന്നു
മംഗളംപാടി വണങ്ങിടുന്നു
ആ ദിവ്യഗാനത്തൊടൊന്നിച്ചു ഞങ്ങളും
ആലപിച്ചീടുന്നു താഴ്മയോടെ (2)
Leave a Reply