അപ്പോസ്തലനമാര്‍- _ II
അപ്പോസ്തലികമായ അടിസ്ഥാനവും സാക്ഷ്യവും
അപ്പോസ്തലന്‍മാരുടെയും സുവിശേഷകന്‍മാരുടെയും ദിവ്യപൂജയില്‍ ഉപയോഗിക്കുന്നത്.
സര്‍വ്വേശ്വരാ നിത്യനായുള്ള ദൈവമേ
സര്‍വ്വശക്താ പരിശുദ്ധ താതാ
ക്രിസ്തുനാഥന്‍വഴി എങ്ങുമെന്നേരവും
ഭക്തിയോടങ്ങേക്കു നന്ദിചൊല്ലാം
യുക്തവും ന്യായവുമാണതു ഞങ്ങള്‍ക്കു
രക്ഷാകരവും ജഗല്‍പിതാവേ
സീമയെഴാത്ത വിശുദ്ധിതന്‍ ശാശ്വത
സ്മാരകമായി പ്രശോഭിക്കാനും
നിത്യ സത്യങ്ങളെ സര്‍വ്വജനങ്ങള്‍ക്കു-
മുദ്‌ബോധനം ചെയ്തു വാഴുവാനും
അപ്പോസ്തലന്‍മാരാമടിസ്ഥാനം തന്നില്‍ നീ
സത്യ സഭയെ പടുത്തുയര്‍ത്തീ
ആകയാലാമോദവായ്‌പോടെ നിത്യവും
നാകദൂതന്‍മാരാം ഗായകന്‍മാര്‍
ദിവ്യ പ്രതാപവാനങ്ങയെ വാഴ്ത്തുന്നു
മംഗളംപാടി വണങ്ങിടുന്നു
ആ ദിവ്യ ഗാനത്തൊടൊന്നിച്ചു ഞങ്ങളും
ആലപിച്ചീടുന്നു താഴ്മയോടെ (2)
Leave a Reply