പ്രശസ്ത ചെറുകഥാകൃത്തും നോവലിസ്റ്റുമാണ് യു.എ. ഖാദര്‍.  പത്രാധിപരായും സര്‍ക്കാര്‍ ഉദ്യോഗസ്ഥനായും പ്രവര്‍ത്തിച്ചിട്ടുണ്ട്. ജനനം 1935ല്‍ പഴയ ബര്‍മ്മയിലെ റംഗൂണിലെ ബില്ലിന്‍ എന്ന ഗ്രാമത്തില്‍ ജനിച്ചു. മാതാവ് ബര്‍മ്മാക്കാരിയായ മാമെദി. പിതാവ് കേരളീയനായ മൊയ്തീന്‍കുട്ടി ഹാജി. കൊയിലാണ്ടി ഗവണ്മെന്റ് ഹൈസ്‌കൂളില്‍ നിന്ന് പഠനം പൂര്‍ത്തിയാക്കി. മദ്രാസ് കോളേജ് ഓഫ് ആര്‍ട്ട്‌സില്‍ നിന്ന് ചിത്രകലാ പഠനം. 1953 മുതല്‍ ആനുകാലികങ്ങളില്‍ കഥയെഴുതിത്തുടങ്ങി. 1956ല്‍ നിലമ്പൂരിലെ ഒരു മരക്കമ്പനിയില്‍ ഗുമസ്തനായി. 1957 മുതല്‍ ദേശാഭിമാനി ദിനപ്പത്രത്തിന്റെ പ്രപഞ്ചം വാരികയുടെ സഹപത്രാധിപര്‍. പിന്നീട് ആകാശവാണി കോഴിക്കോട് നിലയത്തിലും മെഡിക്കല്‍ കോളേജ് ഇന്‍സ്റ്റിറ്റ്യൂട്ട് ഓഫ് മറ്റേണല്‍ ആന്റ് ചൈല്‍ഡ് ഹെല്‍ത്തിലും ഗവണ്മെന്റ് ആശുപത്രിയിലും ജോലിചെയ്തു. 1990ല്‍ സര്‍ക്കാര്‍ സര്‍വ്വീസില്‍ നിന്നു വിരമിച്ചു. നോവലുകള്‍, കഥാസമാഹാരങ്ങള്‍, ലേഖനങ്ങള്‍ തുടങ്ങി 40ല്‍ ഏറെ കൃതികളുടെ കര്‍ത്താവ്. സവിശേഷമായ രചനാശൈലിയുടെ ഉടമ.

കൃതികള്‍

അഘോരശിവം
കൃഷ്ണമണിയിലെ തീനാളം
തൃക്കോട്ടൂര്‍ കഥകള്‍
കഥപോലെ ജീവിതം
തൃക്കോട്ടൂര്‍ പെരുമ
ഒരു പടകാളിപ്പെണ്ണിന്റെ ചരിത്രം
നടവരമ്പുകളിലൂടെ
ചെമ്പവിഴവും ഓട്ടുവളയും
വള്ളൂരമ്മ
സ്വപ്നകുമ്പസാരം
ശത്രു
കലശം
ഖാദറിന്റെ പത്തുനോവലുകള്‍
ഒരുപിടി വറ്റ്
ഒരു മാപ്പിളപ്പെണ്ണിന്റെ ലോകം
റസിയ സുല്‍ത്താന
ചെങ്കോല്‍
ചങ്ങല
അനുയായി
സര്‍പ്പസന്തതി
പവന്മാറ്റ്
ആഴം
ഖുറൈഷികൂട്ടം
അറബിക്കടലിന്റെ തീരം
ഇണയുടെ വേദാന്തം
മിസ്സിസ് മേനോന്‍
യമുനയുടെ ഉറകള്‍
കൊടിമരച്ചുവട്ടിലെ മേളം
അരിപ്രാവിന്റെ പ്രേമം
ചെമ്പവിഴം
മാണിക്യം വിഴുങ്ങിയ കാണാരന്‍
വായേപ്പാതാളം
പൂമരത്തളിരുകള്‍
കളിമുറ്റം
പന്തലായിനിയിലേക്ക് ഒരു യാത്ര
അടിയാധാരം
നാണിക്കുട്ടിയുടെ നാട്
സ്രഷ്ടാവിന്റെ ഖജാന
ഭഗവതി ചൂട്ട് (നോവലൈറ്റുകള്‍)
ഇത്തിരി പൂമൊട്ടുകള്‍
കാട്ടിലെ കഥകള്‍
കോഴി മൂന്നുവെട്ടം കൂകും മുന്‍പ്
ഏതാനും യുവതികള്‍
രാഗലോല
ഇണതേടല്‍
പ്രേമപൂര്‍വ്വം
കോയ
പൂക്കള്‍ വിരിയുമ്പോള്‍
ധന്യ
പൊങ്ങുതടികള്‍
ഖാദര്‍ കഥകള്‍
ഖാദറിന്റെ കഥാലേഖനങ്ങള്‍
ഖാദര്‍ എന്നാല്‍ (ആത്മകഥാ കുറിപ്പുകള്‍)
പ്രകാശനാളങ്ങള്‍
നന്മയുടെ അമ്മ (ബാലസാഹിത്യം)

പുരസ്‌കാരങ്ങള്‍

കേരള സാഹിത്യ അക്കാദമി അവാര്‍ഡ് (1983)-തൃക്കോട്ടൂര്‍ പെരുമ
എസ്.കെ. പൊറ്റെക്കാട് അവാര്‍ഡ് (1993)-കഥപോലെ ജീവിതം
അബുദാബി അവാര്‍ഡ്  -ഒരുപിടി വറ്റ്
സി.എച്ച്. മുഹമ്മദ്‌കോയ അവാര്‍ഡ്-കളിമുറ്റം
കേന്ദ്ര സാഹിത്യ അക്കാദമി അവാര്‍ഡ് (2009)-തൃക്കോട്ടൂര്‍ പെരുമ
അബുദാബി ശക്തി അവാര്‍ഡ്
എസ്.കെ. പൊറ്റെക്കാട്ട് അവാര്‍ഡ്
മലയാറ്റൂര്‍ അവാര്‍ഡ്
സി.എച്ച്.മുഹമ്മദ് കോയ സാഹിത്യ അവാര്‍ഡ്