പഴഞ്ചൊല്ലുകള്‍
| അളന്നളന്ന് അരിയില്‌ളാതായി. | ആവശ്യത്തിലേറെ ശ്രദ്ധിച്ച് നാശം സംഭവിക്കുക. |
| അളന്നതുകൊണ്ട് അളക്കപെ്പടും. | മറ്റുള്ളവരെ നാം വിലയിരുത്തുന്നതുപോലെ മറ്റുള്ളവര്‍ നമ്മെയും വിലയിരുത്തുമെന്ന് ഓര്‍ക്കണം. |
| അളവില്‍ പാതി ചൊളവില്‍ പാതി. | അളവില്‍ കള്ളത്തരം കാണിച്ച് പകുതി നേടി. ചൊളവില്‍ (ചുളവില്‍ = മറ്റുള്ളവരുടെ സഹായത്തില്‍) ബാക്കി പകുതിയും നേടി. |
| അളവുക്കു മിഞ്ചിയാല്‍ അമൃതവും നഞ്ചാം | അധികമായാല്‍ അമൃതും വിഷം. മിഞ്ചുക = വര്‍ധിക്കുക, നഞ്ച് = വിഷം. |
| അധികമായാല്‍ അമൃതും വിഷം. | അധികമായാല്‍ ഏതു കാര്യവും ദോഷം ചെയ്യും. |
| അളിഞ്ചക്കണ്ണിക്ക് വളിഞ്ചന്‍ നായര്. | പരസ്പരം യോജിച്ചത്. |
| അഴകുണ്ടെന്നുവച്ച് അഴിഞ്ഞവളെ കെട്ടരുത്. | സൗന്ദര്യമുണ്ടെന്നു കരുതി ദുര്‍ന്നടപ്പുകാരിയെ വിവാഹം കഴിക്കരുത്. ഒന്നിന്റെയും പുറംമോടിമാത്രം കണ്ടു സ്വീകരിക്കരുത്. |
| അഴിച്ചാം കുഴിച്ചാം ഒന്നൂടെക്കൂട്ടാ. | അതുവരെ ചെയ്തതെല്‌ളാം മാറ്റിവച്ച് ആദ്യം മുതല്‍ വീണ്ടും തുടങ്ങുക. |
| അഴിച്ചുവിട്ട അമ്മയ്ക്ക് ഭാഗ്യമുണ്ടെങ്കില്‍ കൂട്ടില്‍വരും. | പശുവിനെ അഴിച്ചുവിട്ട അമ്മയ്ക്ക് ഭാഗ്യമുണ്ടെങ്കില്‍ അതു തിരിച്ചു വരും. അന്വേഷിക്കേണ്ട. |
| അഴിഞ്ഞ പെണ്ണിന് ആചാരമില്‌ള. | വഴിതെറ്റിയ പെണ്ണിന് ആചാരമൊന്നും ഉണ്ടാവില്‌ള. അവള്‍ എന്തും തന്നിഷ്ടം പോലെയേ ചെയ്യു. |
Leave a Reply